မြန်မာ့ ထုံးတမ်း စဉ်လာ လက်ထပ်ခြင်း နှင့် လိင်တူလက်ထပ်ခြင်း

ကျနော် က ဗမာ့ဓလေ့တွေထဲမှာ လက်ထပ်ခြင်းဓလေ့ကို သိပ်နှစ်သက်တာ။ ဘာ ဘာသာရေး ထုံးစံမှ မပါဘဲ လူမှုဓလေ့သက်သက် ဆီကူလာ ဖြစ်လွန်းလို့..။ ဘာသာတရားကလည်း ကိလေသာ၊ တဏှာဖြတ်၊ သံသရာ ပြတ်အောင် လုပ်ဖို့က အန္တိမ ဆိုတော့ ဘာသာဓလေ့ နဲ့ ဆက်စပ်စရာလည်း အကြောင်းမရှိဘူး။ အရင်ပြောလေ့ရှိပါတယ်။ ကျနော်က စာတွေမှာသာ (မနူးမနပ် စိတ်အားထက်သန်နေတုန်းက ငါမကယ် သေဖွယ်ရာ ရှိ စိတ်ဓာတ်နဲ့) ကိုယ့်ပေါင်ကိုယ် ပယ်ပယ်နယ်နယ် လှန်ထောင်းချင် ထောင်းမယ်..။ ဒါပေမယ့် ကမ္ဘာအရပ်အရပ် က နိုင်ငံခြားသား နဲ့ ဆိုရင် ဗမာ့ဓလေ့က ကောင်းမွန်တဲ့ အကြောင်းတွေကို အကိုးအကားနဲ့ ဥပမာတွေ၊ ဒေသတွင်း တိုင်းပြည်တွေနဲ့ နှိုင်းယှဉ်ချက်တွေ၊ အထူးသဖြင့် အနောက်ဓလေ့ထက် ပိုလွတ်လပ်တဲ့ လက်ထပ်ခြင်းလို ကိစ္စမျိုးတွေဆို ဝေဝေဆာဆာ သာဓက ပြု စကားလက်ဆုံကျတိုင်း ရှင်းပြလေ့ရှိတယ်။ ဗမာ့ဓလေ့မှာ အိမ်ထောင်ပြုမှုဓလေ့လောက် လွတ်လာတာ ဘာမှ မရှိဘူး။ ဟိုးအရင် ဘာသာထုံးတမ်းတွေနဲ့ ကင်းလွတ်တဲ့ ဆီကူလာ ဖြစ်မှု ရဲ့ လူ့အဖွဲ့အစည်းကို အကျိုးပြုမှု သဘောတွေ ဆက်တိုက် ရေးလိုက်မဟဲ့ ဆိုတဲ့ စိတ်တွေ ရှိတုန်းက လက်ထပ်ခြင်းဓလေ့ ကို ရေးချင်တာ ထိပ်ဆုံးကပေါ့..။ နောက်တော့လည်း ဟောရင်းသာ ပျံလွန်တောမှု မယ့် သဘော၊ ဆီသည်မ လက်သုတ်တွေအကြောင်းကို သိနားလည်ပြီး စိတ်ဖြေရင်းနဲ့ ရေးချင်သားချင်စိတ်လည်း မရှိတော့ မရေးဖြစ်ခဲ့ဘူး..။ ဘာ ဘာသာရေးအထိမ်းအမှတ် အခမ်းအနား (Ceremony) မှ မပါဘဲ လင်ကိုယ် မယားကိုယ် နှစ်ယောက်တည်း သဘောတူနေထိုင်ပြီး အရပ်က အသိအမှတ်ပြုရုံနဲ့ လူမှုထုံးတမ်း၊ တရားဥပဒေထုံးတမ်း နှစ်ခုစလုံး နဲ့ တရားဝင် တဲ့ ဓလေ့ ဆိုတာ နည်းနည်းနောနော လွတ်လပ်မှု မဟုတ်ဘူး။ ပုဆိုးတန်းတင် အကြင်လင်မယား ဆိုတာ တကယ်တော့ သိပ်လွတ်လပ်တဲ့ Living together တမျိုးပဲ။ ထမင်းလက်ဆုံ စားရုံ၊ ပုဆိုးတန်းတင် ရုံ နဲ့ အရပ်က သူတို့ ကို မောင်နှံ တစုံ အနေနဲ့ အသိအမှတ်ပြု လူမှုဘဝ မှာ လက်ခံနိုင်တဲ့ ခံယူချက်၊ သဘောထား က သိပ်ကျယ်ပြန့်တဲ့ စိတ်နေ၊ စိတ်ထား နဲ့ အတွေးအခေါ်ပဲ။ ဗမာ့လူမှုအသိုင်းအဝန်းမှာ လိင်တူချစ်သူတွေဆိုရင် နှာခေါင်းရှုံ့၊ မေးငေါ့ချင်ကြတယ်။ လိင်တူ လက်ထပ်ခွင့် ကို ဥပဒေအရကော၊ လှုမှုထုံးတမ်းအရ ပါ လက်မခံကြဘူး။ ဒါက တကယ်တော့ တဝက်ပဲ မှန်တယ်။ ဗမာလူမှုထုံးတမ်း ရဲ့ လွတ်လပ်တဲ့ လက်ထပ်ခြင်း ဓလေ့ကြောင့် တကယ်တော့ လိင်တူ လက်ထပ်ခွင့်ကို လှုမှုထုံးတမ်း အရ လက်မခံဘူးဆိုတာ မမှန်ဘူး။ ငယ်ငယ်က စာသင်ရတဲ့ ဘုန်းကြီးကျောင်းရှိတယ်။ ဘုန်းကြီးကျောင်းနဲ့ ကပ်လျက် အစိုးရဌာန မြေတခု မှ ဈေးဆိုင်လေးတွေ ရှိတယ်။ တဆိုင်က ကျနော် တို့ ငယ်ငယ်က မုန့်စားနေကျ၊ ကြီးတော့ ကွမ်းစာ၊ ဆေးလိပ်သောက် လုပ်နေကျ ကွမ်းယာဆိုင်လေး..။ အမျိုးသမီး လိင်တူ ချစ်သူ Lesbian နှစ်ယောက် ပေါင်းရဲ့ စီးပွား ဆိုင်လေးပဲ။ သူတို့ကို ဘိုထီး နဲ့ ဘိုမ လို့ အရပ်က ခေါ်ကြတယ်။ ပျော်ရွှင်တဲ့ အိမ်ထောင်ဘဝ တည်ဆောက် သုခ ချမ်းသာ ရကြတယ်။ ကလေးတောင် ယူ မွေးစားထားလိုက်သေး ဗျာ..။ ချစ်လိုက်တာလည်း အများအားကျ ကြည်နူးစရာ..။ အရပ်ကလည်း သူတို့ကို လင်မယား၊ ဇနီးမောင်နှံ အဖြစ်ပဲ မြင်ကြ၊ အသိအမှတ်ပြုကြတယ်။ ဘာ ဥပဒေ အရ လိင်တူလက်ထပ်ခွင့် အခွင့်အရေး (Gay or Lesbian Marriage Right) ကို ဒီမိုကရေစီ လူ့အဖွဲ့အစည်း အနောက်မှာလို တကူးတက သီးသန့် တောင်းနေစရာမလိုဘူး။ အကြောင်းက ဗမာ့လူ့အဖွဲ့အစည်း မှာ လွတ်လပ်တဲ့ ထိမ်းမြားလက်ထပ်ခြင်း ဓလေ့ ရှိနေပြီးသား ဖြစ်လို့ပဲ။ ကဲ.. ဘယ်လောက် ဂုဏ်ယူစရာ ကောင်းလဲ။ ကျနော် အဲဒီ အချက်ကို လေးငါးတန်းကျောင်းသား ဘဝ ဘိုထီး၊ ဘိုမ ဆိုင်မှာ ကျက်စားနေကတည်းက မြင်ခဲ့၊ သိခဲ့၊ နားလည်၊ အသိအမှတ်ပြု တန်ဖိုးထားတတ်ခဲ့တယ်။ ဆိုတော့.. ဘာသာရေး နဲ့ ဥပဒေ အရ ချုပ်နှောင်မှု မရှိတဲ့၊ လွတ်လွပ်စွာ တူနှစ်ကိုယ် သဘောတူ လက်ထပ် ပေါင်းသင် နေထိုင်ခွင့် Living Together ကို ရှေးပဝေသဏီ ကတည်းက ကျင့်သုံးတဲ့၊ လက်ထပ်ထိမ်းမြားခြင်း ညီမျှ တရားမျှတမှု (Marriage Equality) အရ လိင်တူလက်ထပ်ခွင့် အခွင့်အရေး (Same Sex Marriage Right) ကို တောင်းစရာ မလိုဘဲ အပြည့်အဝ ရရှိခံစားနေ တဲ့ ကျယ်ပြန့်တဲ့ စိတ်ရင်းသဘောထားရှိတဲ့ ကျနော် တို့ ဗမာ့လူအဖွဲ့အစည်း ရဲ့ ကောင်းမွန် အမြစ်တွယ်နေပြီ ဖြစ်တဲ့ ထုံးတမ်း၊ သဘောထား၊ ဓလေ့၊ အမြင်၊ ခံယူချက်တွေ ဗျာ..။ ဒါတွေကို ဘာလို့ ခုမှ ဘာသာ၊ လူမျိုး အကြောင်းပြ အရောင်တွေဆိုးချင်၊ သဘောထားတွေ ပြောင်းဖို့ ကြိုးစာချင်ကြတာလဲ..။ မိတ်ဆွေတို့ ရှေးရိုးစွဲချင်သလား..။ ဗမာ့ယဉ်ကျေးမှု၊ ဓလေ့တွေကို သိပ် ထိန်းသိမ်းနေချင်သလား..။ ဒီလို ကိုယ့်ဆီ အခြေတည် ရှိနေပြီးသား (၂၁) ရာစု နဲ့ တန်းဝင် တဲ့ အတွေးအခေါ်၊ ဓလေ့ ကောင်းတွေအတွက် ရှေးရိုးစွဲ၊ ဆက်လက် ထိန်းသိမ်းပစ်လိုက်စမ်းပါ။ ကျန်တဲ့ အပိုဆာဒါး လက်တွေ့ အကျိုးမဲ့ အလုပ်မဖြစ်တဲ့ အတွေးအခေါ်တွေ၊ သတ်မှတ်ချက်တွေ ဝင်မစွက်လာစေပါနဲ့..။ Cradit : ငြိမ်းချမ်းအေး ၁၃ ၊ ဇွန် ၊ ၂၀၁၃by: Eros