မိုးသီးအန္တရယ်

မိုးသီးများသည် ကောင်းကင်ပေါ်မှကျလာခြင်း ဖြစ်သဖြင့် သန့်စင်လိမ့်မည်ဟု ယူဆစရာရှိသော်လည်း တကယ်တမ်းတွင် ဓါတုဒြပ်ပေါင်း ၃၀၀၀ ကျော်နှင့် ဘက်တီးရီးယား ၇ မျိုးထက်မနည်းပါဝင်လျှက်ရှိသည်။

မိုးသီးများတွင် သစ်ပင်များ၌တွေ့ရတတ်သည့် ဘက်တီးရီးယားမျိုးစိတ်များ နှင့် ဓါတုဒြပ်ပေါင်း အမြောက်အများ ပါဝင်နေကြောင်းကို ဒိန်းမတ်သိပ္ပံပညာရှင်များက ၂၀၁၃ ခုနှစ်ကတည်းက တွေ့ရှိအတည်ပြုထားခြင်းဖြစ်သည်။

ဘက်တီးရီးယားများကို ကမ္ဘာမြေပြင်အထက် ၂၄ . ၈ မိုင် ရောက်သည်အထိတွေ့ရှိနိုင်ပြီး အာကာသထဲအထိပင်ပွားများ ရောက်ရှိနိုင်သည်။

ထို့ပြင် မိုးသီးများတွင်တွေ့ရှိရသော ဘက်တီးရီးယားအမျိုးအစားများအရ ယင်းတို့သည် တိမ်များစုဝေးမှုကို ဖြစ်ပေါ်စေနိုင်ပြီး မိုးသီးများကြွေကျခြင်းနှင့်ပင် တစ်နည်းတစ်ဖုံဆက်စပ်နေနိုင်သည်ကိုလည်း သိပ္ပံပညာရှင်များက တွေ့ရှိထားသည်။

ယခုအချိန်တွင် မြန်မာနိုင်ငံ၏ ဒေသအချို့တွင် မိုးသီးကြွေမှုများရှိနေရာ သိပ္ပံပညာရှင်များ၏ သတိပေးထားချက် အရဆိုလျှင် အဆိုပါမိုးသီးများကို စားသုံးခြင်း၊ တစ်နည်းနည်းဖြင့် ပါးစပ်အတွင်းဝင်ရောက်စေနိုင်မည့် အပြုအမူများ မလုပ်ဆောင်သင့်ကြောင်း မဇ္ဈိမမှ သတိပေးတင်ပြလိုက်ရပါသည်။

ကူးယူဖေါ်ပြထားပါသည်။